بزنین چو به دهل، بزنین چو به دهل شازده بووازه ممدلی شیر علی‌مردون

بزنین چو به دهل، بزنین چو به دهل
شازده بووازه ممدلی شیر علی‌مردون 
مو گوتوم صد سال دیه 
عمرم درازه ممدلی شیر علی مردون 
شادووای علی‌مردون 
بنم سر شون ممدلی شیر علی‌مردون
تش بنم به ره ورون 
تا کوه وردون ممدلی شیر علی‌مردون 
تفنگه علی‌مردون، تفنگه علی‌مردون 
طلای بی غش ممدلی شیر علی‌مردون 
به زمین برق ایزنه، به آسمون تش
ممدلی شیر علی‌مردون 
بی عروس تو کل بزن 
تا مو کُنم جنگ، ممدلی شیر علی مردون
شومشیروم به گل زنوم، شومشیروم به گل زنوم
سی ایل چهارلنگ، ممدلی شیر علی‌مردون
ممدلی گوو گپوم، کل اختیاروم 
ممدلی شیر علی‌مردون
مو نه بیتروم ازش 
خدا نادونوم ممدلی شیر علی‌مردون 
هی... بزنین هی... چو او دهل 
آی ... شازده بووازه 
وای مو گوتوم صد سال دیه عمرم درازه
بزنین چو به دهل، بزنین چو به دهل
شازده بووازه ممدلی شیر علی‌مردون 

بنویسم کاغذی تی بی ستاره

زر بده فشنگ بخر جنگ وست دوواره (ممدلی شیرعلی مردون)
تفنگ ماسه طلا، دست گوومه
جنگ با شا کردم و کار بوومه (ممدلی شیرعلی مردون)

بنویسم کاغذی، سی بی عظمیه
زر بده فشنگ بخر جنگ وست به دیمه (ممدعلی شیرعلی مردون)
تفنگ علی مردون، هم باز صدا کرد
سرهنگ کله پوستین تنگه بلا کرد (ممدلی شیرعلی مردون)

کجه تیپ؟ کجه سپاه، کجن فراشم
روه دین دام و ددوم بیان سر لاشم (ممدلی شیرعلی مردون)
چار بالون چار طیاره، چارتا زره پوش
ددویل ممدلی همه سیاپوش (ممدلی شیرعلی مردون)

https://www.youtube.com/watch?v=Ud7-mMu5QOk